मुंबई | ‘बिग बॉस’ (Bigg Boss) या शोला प्रेक्षकांचा चांगलाच प्रतिसाद मिळत आहे. आत्तापर्यंत अनेक प्रसिद्ध मंडळींनी ‘बिग बॉस’च्या घरात एंट्री केली आहे. या शोमध्ये अनेक वाद-विवादही आपण पाहिले आहेतच. त्यात आता मॉडेल अर्चना गौतमने (Archana Gautam) थेट बिग बॉसवरच चोरीचा आरोप केला आहे. अर्चनाचे तिचे कपडे व्हॅनिटी व्हॅनमधून चोरी झाल्याचे सांगितले आणि तिने ‘बिग बॉस’च्या घरात एकच गोंधळ घातला.
‘बिग बॉस 16 विकेंड का वार’ यामध्ये अर्चनाचे कपडे व्हॅनिटी व्हॅनमधून चोरीला गेले. त्यानंतर अर्चना गौतम ही चांगलीच संतापली. तिचा संतापाचा पार चढला. तिने कोणतीही माहिती न घेताच पूर्ण घरातच राडा घातला. तिने ‘बिग बॉस’ टीमने कपडे चोरल्याचा आरोप केला. अर्चनाच्या या गोंधळानंतर अभिनेता सलमान खान याने चांगलाच क्लास घेतला. सलमान खानने म्हटले की, माहिती नाही तुम्ही कोणत्या लोकांसोबत असता जे तुमचे कपडे चोरी करतात…आम्ही तुमचे कपडे चोरणाऱ्या लोकांपैकी नाही. सलमान खान याने केलेल्या कानउघाडणीनंतर अर्चनाने कोणतेही प्रत्युत्तर दिले नाही. उलट ती काहीही न बोलता नाराज होऊन तिथेच गप्प बसली.
अर्चना रडत रडतच म्हणाली की, मला कोणतेही टेन्शन नाही. त्यानंतर सलमान खानसमोर जाऊन जोकर बनून आली. अर्चनाचा लूक पाहून सलमान खानही चांगलाच संतापला आणि त्याने अर्चनाला चांगलेच सुनावले.
