भरतपूर | भारतीय लष्कराचे उचैन पिंगोरा येथे विमान कोसळून अपघात झाला आहे. विमान क्रॅश होऊन आग लागल्याने जिल्हा प्रशासन घटनास्थळी दाखल झाले आहे. राजस्थानमध्ये एक विमान तर मध्यप्रदेशात २ हवाईदलाच्या विमानांचा अपघात झाला आहे. यामध्ये कोणतीही जीवितहानी झाली नाही.
यामध्ये, हवाई दलाची दोन लढाऊ विमाने सुखोई-३० आणि मिराज २००० क्रॅश झाली. या दोन्ही विमानांनी मध्य प्रदेशातील ग्वाल्हेर एअरबेसवरून उड्डाण केले होते, जेथे सराव सुरू होता. पहाटे साडेपाच वाजता हे विमान कोसळले. दरम्यान दोन्ही वैमानिकांना बचाव पथकाला सुखरूप बाहेर काढण्यात यश आले आहे.
तसेच यूपीमधील आग्रा येथून उड्डाण करणारे विमान राजस्थानमधील भरतपूर जिल्ह्यातील उछैन परिसरात कोसळले. सुदैवाने हे विमान रहिवासी भागात कोसळले नाही. तर भरतपूरमध्ये चार्टर्ड कोसळले. दरम्यान पोलीस आणि प्रशासनाचे अधिकारी घटनास्थळी दाखल झाले आहेत.
