मुंबई | बॉलिवूडचे बीग बी म्हणजेच अमिताभ बच्चन यांचा 80 वा वाढदिवस काल (दि. ११) रोजी साजरा झाला. जगभरातून बिग बी यांना चाहत्यांनी प्रेम आणि शुभेच्छा दिल्या. अमिताभ बच्चन होस्ट करत असलेल्या कौन बनेगा करोड़पति शो च्या मंचावर पत्नी जया बच्चन व मुलगा अभिषेक बच्चन यांनी देखील सरप्राईज देेत महानायकांचा वाढदिवस साजरा केला.
अभिनेता अभिषेक बच्चनने त्याच्या सोशल मीडिया हँडलवरून कौन बनेगा करोडपती शोचा एक व्हिडिओ शेअर केला आहे. ज्यामध्ये केबीसीच्या टीमसोबत त्याने अमिताभ यांच्या वाढदिवसाचे खास क्षण शेअर केले आहेत. व्हिडिओमध्ये अमिताभ खूपच भावूक दिसत आहेत तर जया बच्चन यांनी प्रेमाने जवळ घेताना दिसत आहेत.
कौन बनेगा करोडपतीमध्ये अभिषेक आणि जया बच्चन यांना पाहिल्यानंतर अमिताभ बच्चन भावूक झाले. त्यांच्या डोळ्यात आनंददाश्रू दिसत होते. अमिताभला रडताना पाहून जया बच्चन यांनी अमिताभला प्रेमाने जवळ घेतले. केबीसीच्या मंचावर अभिषेक आणि जया बच्चन यांनी अमिताभसोबत खूप धमाल व मस्ती केली. यावेळी अमिताभशी संबंधित अनेक मजेदार किस्सेही शेअर केले.
व्हिडिओमध्ये अमिताभ बच्चन त्यांच्या पत्नीसोबत हॉट सीटवर बसले आहेत. पत्नी जया यांनी अमिताभ यांना स्वतःच्या हाताने गोड पदार्थ खाऊ घालताना दिसत आहेत तसेच अमिताभ यांनी रडताना बघून प्रेमाने जवळ घेताना दिसत आहे. जया बच्चन आणि अभिषेक बच्चन यांनी अमिताभ यांच्या वाढदिवसाचा केकही कापला.
शोमध्ये जया बच्चन यांनी अमिताभबद्दल अनेक मजेदार खुलासे केले आणि काही तक्रारीही केल्या. केबीसीच्या मंचावर बच्चन कुटुंबीयांचे एकमेकांबद्दलचे प्रेम, आपुलकी व काळजी पहायला मिळाली.
