मुंबई | अंधेरी पूर्व विधानसभा पोटनिवडणुकीच्या ठाकरे गटाच्या उमेदवार ऋतुजा लटके (Rutuja Latke) यांच्या विरोधात भाजपाचे उमेदवार मुरजी पटेल ( Murji Patel ) यांच्यावर अखेर शिक्कामोर्तब झाला आहे. आज अर्ज भरण्याची शेवटची तारीख असून मुरजी पटेल यांनी आपला अर्ज भरण्यापूर्वी शक्तीप्रदर्शन केलेलं आहे.
महायुतीचा मला पाठींबा असल्यामुळे विजय आमचाच आहे. ट्राफिक मुक्त अंधेरी पूर्व , येथील तरुणांना रोजगार उपलब्ध करणे आणि येथील परिसरात शासकीय दवाखाने उपलब्ध करणे हे आमचे उद्दिष्ट आहे. असे भाजपाचे उमेदवार मुरजी पटेल म्हणाले.
त्याचबरोबर ऋतुजा लटके ह्यांचा राजीनामा मंजूर झाल्यानंतर आता त्या अंधेरी पूर्व विधानसभा पोटनिवडणुकीसाठी अर्ज भरणार आहे . त्यांच्याकडून देखील मोठ्या प्रमाणात शक्तीप्रदर्शन केल जातंय. त्यांना पाठींबा देण्यासाठी शिवसैनिक मशाल हाती घेऊन तर राष्ट्रवादी , कॉंग्रेस पक्षाकडून देखील मोठ्या प्रमाणात कार्यकर्ते आले आहेत.
या निवडणुकीत नक्कीच सकारात्मक निकाल येईल असे ठाकरे गटाच्या ऋतुजा लटके यांनी सांगितले. तर आमचा उमेदवार ऋतुजा लटके यांचा विजय होणारच..असा विश्वास युवासेनेचे प्रमुख आदित्य ठाकरे यांनी दाखवला आहे.
