मुंबई | राज्यात गेल्या काही दिवसांपासून सत्ताधारी आणि विरोधकांकडून एकमेकांवर आरोप-प्रत्यारोप केले जात आहेत. शिवसेनेचे आमदार भास्कर जाधव (Bhaskar Jadhav) यांनी भाजप नेत्या चित्रा वाघ (Chitra Wagh) यांच्याबाबत भाष्य केले होते. त्यानंतर आता चित्रा वाघ यांनी भास्कर जाधव यांच्यावर खालच्या पातळीवर टीका केली. ‘ओ…भास्करशेठ तुम्ही आधी आणि आताही ‘नाच्या’ चं काम चांगल करता तेच करा. माझ्या नादी लागू नका,’ असे म्हटले आहे.
भास्कर जाधव यांनी भाजपमध्ये गेल्यावर आरोप धुतले जातात असे म्हणत चित्रा वाघ यांचाही उल्लेख केला होता. त्यावरून चित्रा वाघ आता आक्रमक झाल्या आहेत. त्यांनी ‘ओ…भास्करशेठ, माझ्या नादी लागू नका. जेव्हा पूजा चव्हाणसाठी मी लढत होते, तेव्हा कुठल्या बिळात घुसला होतात की तोंडाला लकवा मारला होता तुमच्या. तुमच्यासारखे सुपारीबाज आणि भाडोत्रींच्या नाही तर आम्ही आमच्या जीवावर लढतो…याद राखा’, असेही त्यांनी म्हटले आहे.
मंत्रिमंडळ विस्तारात महिलांना स्थान
शिंदे-फडणवीस यांच्या सरकारमध्ये महिलांना स्थान मिळणार का, या प्रश्नावर त्या म्हणाल्या, ‘महिलांना कोणी नाकारु शकत नाही. 50 टक्के महिला जनशक्ती आहे. पुढील मंत्रिमंडळ विस्तारात महिला तुम्हाला मंत्री म्हणून दिसतील’.
