नवी दिल्ली | फ्लिपकार्ट या लोकप्रिय शॉपिंग प्लॅटफॉर्मवर आयोजित सेल नुकताच १६ ऑक्टोबर रोजी संपला. या विक्रीदरम्यान जर तुम्ही सर्वोत्कृष्ट ऑफर आणि डील्स गमावल्या असतील तर निराश होऊ नका. कारण, पुन्हा एकदा, Flipkart वर बिग दिवाळी सेल परत येत आहे, ज्यामध्ये कमी किमतीत अनेक उत्पादने खरेदी करण्याची संधी युजर्सना मिळणार आहे.
फ्लिपकार्टच्या वतीने सांगण्यात आले आहे की, पुन्हा एकदा बिग दिवाळी सेल सुरू होणार आहे आणि ग्राहकांना १९ ऑक्टोबरपासून प्लॅटफॉर्मवर त्याचे फायदे मिळतील. हा सेल दिवाळीच्या एक दिवस आधी म्हणजेच २३ ऑक्टोबरपर्यंत चालेल. सेलमधील सर्व ऑफर अद्याप जाहीर करण्यात आलेल्या नाहीत. परंतु, पुन्हा एकदा बिग बिलियन डेज आणि मागील बिग दिवाळी सेल यासारख्या ऑफर यात देखील मिळू शकतात.
शॉपिंग वेबसाइटवर शेअर केलेल्या टीझरवरून असे दिसून आले आहे की, सेलमध्ये स्टेट बँक ऑफ इंडिया (SBI) बँक कार्ड वापरून पेमेंट आणि EMI व्यवहारांवर १० टक्के इन्संट सूट दिली जाईल. त्याच वेळी, तुम्हाला फ्लिपकार्ट अॅक्सिस बँक क्रेडिट कार्डने पेमेंट केल्यावर पाच टक्के कॅशबॅकचा लाभ मिळेल. पेटीएम वॉलेट आणि यूपीआय पेमेंटवर १० टक्के कॅशबॅक देखील उपलब्ध असेल.
टीझर पेजने हे देखील उघड केले आहे की, बिग दिवाळी सेल दरम्यान, Realme, Poco, Oppo आणि Redmi सारख्या ब्रँड्सच्या स्मार्टफोन्सना मोठ्या सवलती मिळतील आणि आतापासून त्यांना विशलिस्ट करण्याचा पर्याय देखील दिला जात आहे. या दरम्यान, पुन्हा एकदा iPhone 13 आणि इतर iPhone मॉडेल्सवर सूट मिळू शकते. जवळ-जवळ प्रत्येक किंमत विभागामध्ये फोन मोठ्या सवलतीत खरेदी करता येतील.
सेल दरम्यान, इलेक्ट्रॉनिक्सवर ८० टक्क्यांपर्यंत सूट मिळणार असल्याचे देखील सांगण्यात येत आहे. याशिवाय, बिग दिवाळी सेलमध्ये टीव्ही आणि उपकरणांवर ७५ टक्के सूटही दिली जाणार आहे. विक्रीदरम्यान उत्पादनांच्या इतर श्रेणींमध्येही मोठी सूट मिळेल.
