कान्स फिल्म फेस्टिवल सध्या चर्चेचा विषय ठरत आहे. यामध्ये मराठमोळी अभिनेत्री छाया कदम याही त्यांच्या सिनेमाचं होणाऱ्या प्रिमियरसाठी रवाना झाल्या आहेत. त्यात सोशल मीडियावर अनेक कमेंट्स मधून त्यांचं कौतुक करण्यात येत आहे. त्यातच आता पुन्हा एकदा या सोहळ्यातील व्हिडिओ सोशल मीडियावर व्हायरल झाले होत आहेत. यामध्ये छाया कदम यांच्या सिनेमाचं कान्समध्ये भरभरुन कौतुक करण्यात आलं आहे. तसेच त्यांच्या या सिनेमाला स्टँडिंग ओव्हेशन मिळाल्याचं पाहायला मिळतंय.
लापता लेडिज या सिनेमातून मंजू माईच्या भूमिकेतून छाया कदम या नुकत्याच प्रेक्षकांच्या भेटीला आल्या होत्या. छाया कदम यांनी पायल कपाडियाच्या ‘ऑल वुई इमॅजिन ॲज लाइट’ या सिनेमात महत्त्वाची भूमिका साकारली आहे. याच सिनेमाचा प्रिमिअर शो कान्स येथे करण्यात आला. त्यासाठी छाया कदम यांनी कान्स सोहळ्याला हजेरी लावली होती.
या सोहळ्यातील छाया कदम यांनी त्यांचे फोटो त्यांच्या सोशल मीडियावरुन शेअर केले होते. त्यामध्ये त्यांनी आईची साडी परिधान केली होती. त्याचप्रमाणे आईची नथही घातली होती. तिच नथ त्यांनी चित्रपटाच्या प्रिमिअरला देखील घातली. जी सध्या सोशल मीडियावरही अनेकांचं लक्ष वेधून घेत आहे.
दरम्यान, छाया कदम यांनी मराठी-हिंदी चित्रपट सृष्टीमध्ये अनेक भूमिका साकारल्या आहेत. ‘सैराट’, ‘फँड्री’, ‘सरला एक कोटी’, ‘न्यूड’, ‘हंपी’ त्यांचे हे चित्रपटही विशेष गाजले आहेत.
