नवी दिल्ली | काँग्रेसचे वरिष्ठ नेते राहुल गांधी (Rahul Gandhi) यांनी देशभरात ‘भारत जोडो’ यात्रा सुरु केली आहे. त्यांच्या या यात्रेला मोठा प्रतिसादही मिळत आहे. त्यातच त्यांच्या यात्रेतील एक फोटो काँग्रेसने त्यांच्या ट्विटर हँडलवरून शेअर केला आहे. त्यामध्ये ‘योद्धा सा भाव है, संत सी मुस्कान। आज इसी के पीछे, सारा हिंदुस्तान।’ फोटोला अशी कॅप्शनही दिली आहे.
गेल्या काही वर्षांत काँग्रेसची प्रतिमा खालावली आहे. पक्षातील नेते, पदाधिकारी, कार्यकर्त्यांमध्ये उत्साह दिसत नव्हता. त्याचा परिणाम निवडणुकीच्या निकालात दिसत आहे. त्यामुळे काँग्रेसला पुन्हा उभारी देण्यासाठी राहुल गांधी यांनी कंबर कसली आहे. त्यानुसार, सप्टेंबर महिन्यापासून राहुल गांधी यांनी ‘भारत जोडो’ यात्रेला सुरुवात केली. या यात्रेला चांगला प्रतिसाद मिळत आहे. लहान-थोर, ज्येष्ठ-कनिष्ठ या अभियानात जोडले गेले आहेत. त्यानंतर आता या यात्रेदरम्यानचा फोटो काँग्रेसकडून ट्विटरवर पोस्ट करण्यात आला आहे.
दरम्यान, काँग्रेसने ट्विटरवर केलेल्या पोस्टमध्ये ‘योद्धा सा भाव है, संत सी मुस्कान. आज इसी के पीछे, सारा हिंदुस्तान’, असे लिहिले आहे.
