फुलगाव | लोकसेवा प्रतिष्ठान संचलित, नेताजी सुभाषचंद्र बोस सैनिकी शाळेमध्ये ‘तुळशी विवाह सोहळा’ संपन्न झाला. निवासी शाळेत पारंपरिक सण, उत्सव साजरे केले तर आपली संस्कृती अबाधित राहील व मुलांना आपल्या संस्कृतीचे दर्शन होईल या उद्देशाने तुलसी विवाह हा कार्यक्रम घेण्यात आला. यावेळी विद्यार्थ्यांमध्ये उत्साह दिसून आला. लोकसेवा प्रतिष्ठानचे संस्थापक अध्यक्ष दीपक पायगुडे यांच्या संकल्पनेतून हा कार्यक्रम घेण्यात आला.
लोकसेवा प्रतिष्ठानचे संचालक व लोकसेवा कॉलेज ऑफ फार्मसीचे प्राचार्य नरहरी पाटील यांच्या मार्गदर्शनातून हा सोहळा आयोजित करण्यात आला होता. यावेळी नेताजी सुभाषचंद्र बोस सैनिकी शाळेचे प्राचार्य अमर क्षीरसागर व फुलगावच्या सरपंच मंदानानी साकोरे यांच्या वतीने त्यांच्या सुनबाई नीलम सकोरे या मान्यवर म्हणून उपस्थित होत्या.
कार्यक्रमाचे संयोजन रोहिणी राजेंद्र भोसले यांनी केले. तसेच सोहळ्यासाठी संकुलातील सर्व शिक्षक, विद्यार्थी, विद्यार्थिनी, शिक्षकेत्तर कर्मचारी व फुलगावचे ग्रामस्थ मोठ्या संख्येने उपस्थित होते.
