सातारा | सातारच्या छत्रपती घराण्यातील श्रीमंत छत्रपती शिवाजीराजे भोसले यांचे (वय ७५) पुणे येथील खासगी रूग्णालयात उपचार सुरू असताना आज सायंकाळी पावणे सहाच्या सुमारास निधन झाले. पुण्यातील जहांगीर रुग्णालयामध्ये त्यांनी अखरेचा श्वास घेतला. शिवाजीराजे भोसले हे स्वर्गीय अभयसिंहराजे भोसले यांचे भाऊ होते. तर उदयनराजे भोसले आणि शिवेंद्रराजे भोसले यांचे काका होते. गेल्या काही दिवसांपासून त्यांच्यावर रुग्णालयात उपचार सुरू होते. उपचार सुरू असतानाच आज त्यांची प्राणज्योत मालवली.
ADVERTISEMENT
आज रात्री उशीरा त्यांचे पार्थिव साताऱ्यातील अदालतवाडा येथील निवासस्थानी आणण्यात येणार आहे. उद्या बुधवारी त्यांच्यावर राजघराण्याच्या प्रथेनुसार अंत्यसंस्कार करण्यात येणार आहेत.
