पिंपरी : पिंपरीतील मासुळकर कॉलनीतून अपहरण झालेल्या सात वर्षीय बालकाचा मृतदेह सापडला. ग्रीनफिल्ड सोसायटी येथे राहणारा सात वर्षीय मुलगा गुरुवारी (ता. ८) सायंकाळी सहाच्या सुमारास खेळायला जातो असे सांगून घरातून गेला. दरम्यान, सव्वा सातच्या सुमारास सोसायटीत राहणारी एक मुलगी मुलाच्या घरी गेली. ‘ तुमचा मुलगा सापडत नाही’ असे सांगितले. त्यांनंतर मुलाचे आई वडील त्याला शोधण्यासाठी गेले. मात्र, तो सापडलाच नाही.
ADVERTISEMENT
याप्रकरणी पिंपरी पोलिस ठाण्यात अपहरणाचा गुन्हा दाखल करून पोलिसांनी तपास सुरू केला होता. विविध ठिकाणी पथकेही रवाना केली होती. दरम्यान, शुक्रवारी रात्री उशिरा अपहरण झालेल्या बालकाचा मृतदेह सापडला. अपहरण कोणी व कोणत्या कारणासाठी केले. याचा तपास पोलिस करीत आहेत.
