पुणे : घरामध्ये सुख शांती नांदावी, भरभराट व्हावी यासाठी मनुष्य काहीही करायला तयार असतो. विद्येचं महेरघर म्हणुन ओळखल्या जाणाऱ्या पुणे शहरात अघोरी पूजा घालण्याचा प्रकार घडला आहे. पत्नीमधील भानामती नष्ट व्हावी म्हणून अघोरी पूजा घालून पत्नीला सर्वांससमोर अंघोळ करायला लावली. हा सगळा प्रकार पुण्यातल्या कात्रज आंबेगाव येथे घडला आहे. या बाबत भारती विद्यापीठ पोलीस ठाण्यात गुन्हा दाखल करण्यात आला आहे.
या बाबत पती शिवराज कोरटकर (वय ३६), सासरे राजेंद्र कोरटकर (वय ६४), सासू चित्रालेखा (वय ६२), मांत्रिक मौलाना बाबा जामदार यांच्यावर गुन्हा दाखल करण्यात आला आहे. पती ,सासरे, सासूला पोलिसांनी अटक केली असून मांत्रिक अजूनही फरार आहे. पोलिस त्याचा शोध घेत आहेत.
घरामध्ये सुख शांती नांदावी भरभराट व्हावी व पत्नी वरील भानामती नाहीशी व्हावी आणि पुत्र प्राशन होण्यासाठी फिर्यादीला रायगडला नेणून सर्वांसमोर अंघोळ करायला लावली व एक ते दोन कोटी रुपये फिर्यादीकडून घेतले. फिर्यादी पत्नी हिला आरोपी पती यांनी संगनमत करून पत्नीचे शारीरिक व मानसिक शोषण करून वारंवार मारहाण करून शिवीगाळ केली आहे.
इतकंच नाहीतर फिर्यादीचे आई वडिलांनी लग्नामध्ये दिलेले सोन्याचे हिन्याचे व चांदिचे दागिने पत्नीने पतिकडे विश्वासाने ठेवण्यास दिलेले असताना आरोपी पती यांनी ते परस्पर अपहार करून फिर्यादी यांचे फ्लॅटची कागदपत्रे परस्पर बँकेत ठेवून त्यावर बनावट स्वाक्षरी करून बँकेकडून ७५ लाख रुपये कर्ज घेवुन आरोपी पतीच्या व्यवसायामध्ये भरभराटी व्हावी घरामध्ये सुखशांती नांदावी व पत्नी यांचेवरची भानामती नाहीशी व्हावी. याकरीता पती व सासरे मदतीने अघोरी पुजा करून पुत्र प्राप्तीसाठी मांत्रिकाचे सांगण्यावरून रायगड येथे नेऊन पत्नीला सर्वांसमक्ष आंघोळ करायला लावून फिर्यादीला वेळोवेळी मारहाण करून त्यांच्याकडून व्यवसायाकरीता पतीने ते सासरेला कोटी रुपेय घेवून ते परत न करता पत्नीला यांची फसवणुक केल्याने गुन्हा दाखल आहे.