सध्या केंद्रीय तपास यंत्रणा ॲक्शन मोडमध्ये आहेत. ऑनलाईन चाईल्ड पोर्नोग्राफी प्रकरणी सीबीआयकडून देशभरात मोठी कारवाई सुरु आहे. देशभरात सीबीआयने छापेमारी करत धडक कारवाई केली आहे. 20 राज्यांमध्ये सीबीआयची कारवाई करण्यात येत असून 56 ठिकाणी छापसत्र सुरु आहेत. इंटरपोलच्या माहितीनंतर सीबीआयची देशभरात छापेमारी करत ही मोठी कारवाई केली आहे. सीबीआयने या धडक कारवाईला ‘ऑपरेशन मेघदूत’ असं नाव दिलं आहे. सीबीआयने मुंबईमध्येही चाईल्ड पोर्नोग्राफी प्रकरणी छापेमारी केली आहे. 20 राज्यांमध्ये सीबीआयकडून छापे सुरु आहेत.
इंटरपोलकडून इनपुट मिळाल्यानंतर सीबीआयनं देशभरात कारवाईला सुरुवात केली आहे. सीबीआयला मिळालेल्या माहितीनुसार, ही कारवाई केवळ चाईल्ड पोर्नोग्राफी संबंधितच नाही, तर याचा संबंध लहान मुलांना फिजिकल ब्लॅकमेल, लहान मुलांचं शारीरिक शोषण या प्रकरणाशी आहे. मिळालेल्या माहितीनुसार, ही टोळीकडून वेगवेगळे ग्रुप बनवून आणि वैयक्तिक पातळीवर काम सुरु होतं.
इंटरपोलच्या माध्यमातून सीबीआयला सिंगापूरमधून या प्रकरणी माहिती मिळाली. त्यानंतर सीबीआयकडून देशभरात छापेमारी करत कारवाई करण्यात आली आहे. सीबीआयकडून महाराष्ट्रासह दिल्ली, बंगळुरू, पाटणा अशा 20 राज्यांमध्ये छापसत्र सुरु आहेत. आम्ही तुम्हाला सांगतो, गेल्या वर्षी देखील ऑपरेशन केले गेले होते ज्याचे नाव ऑपरेशन कार्बन होते.
