मुंबई | बॉलिवूड अभिनेता शाहिद कपूरची आई निलिमा अझीम यांनी दोन लग्न केली. शाहिद हा त्यांच्या पहिल्या पतीपासून झालेला मुलगा आहे, तर ईशान हा दुसऱ्या पतीपासून झालेला मुलगा आहे. सावत्र भाऊ असून सुद्धा शाहिद कपूर आणि ईशान खट्टर यांच्यातील नातं सर्वांनाच माहिती आहे. दोघं भाऊ एकमेकांवर जीवापाड प्रेम करतात. अनेकदा दोघांचे मस्ती करतानाचे व्हिडीओ समोर येत असतात.
दोघे सुद्धा नवनवीन व्हिडीओ सोशल मीडियावर शेअर करत असतात. असाच एक व्हिडीओ सध्या सोशल मीडियावर व्हायरल झालेला दिसत आहे. शाहिद कपूरने एक व्हिडीओ शेअर केला आहे. ज्यामध्ये तो आणि ईशान खट्टर मायकल जॅक्सनच्या गाण्यावर जॅक्सन स्टाईलने थिरकताना दिसत आहे.
शाहिद कपूरने आपल्या ऑफिशियल इन्टाग्राम अकाऊंटवरून हा व्हि़डीओ शेअर केलाय. हा व्हिडीओ शाहिदच्या घरात शूट केल्याचं पहायला मिळतंय. प्रसिद्ध पॉप सिंगर आणि डान्सर राहिलेल्या मायकल जॅक्सनच्या स्मूथ क्रिमिनल या गाण्यावर दोघं भाऊ डान्स करत आहे.
