सातारा जिल्ह्यातील केळघर घाटात दरड कोसळली आहे. यामुळे मेढा मार्गे महाबळेश्वर रस्त्यावरील वाहतूक पूर्णपणे बंद झाली आहे. वाहतुकदार, पर्यटकांनी याची नाेंद घ्यावी असे आवाहन स्थानिकांनी केले आहे.
सातारा जिल्ह्यातील काही भागात गुरुवारी पाऊस झाला. जिल्ह्यातील सातारा, पाचगणी, महाबळेश्वर येथे सकाळच्या सुमारास पाऊस (rain) पडला हाेता. त्यानंतर दिवसभर ढगाळ वातावरण हाेते. रात्री पुन्हा काही भागात पाऊस झाला.
दरम्यान आज (शुक्रवार) सकाळी केळघर घाटात दरड काेसळली. यामुळे सातारा मेढा मार्गे महाबळेश्वर रस्ता बंद झाला. नवरात्र निमित्त प्रतापगडला देवीचे दर्शन घेण्यासाठी भाविक मेढा मार्गे महाबळेश्वरला जात असतात. या भागात दरड काेसळल्याने घाटातील वाहतुक पुर्णत: बंद करण्यात आली आहे. पर्यटक, भाविक तसेच वाहतुकदारांनी याची नाेंद घ्यावी असे आवाहन स्थानिक नागरिकांनी केले आहे.
