कोरेगाव भीमा | येथील विजयस्तंभास अभिवादन करण्यासाठी 1 जानेवारी रोजी हजारो भीम अनुयायी आले होते. आज या परिसरात फुलगाव येथील नेताजी सुभाषचंद्र बोस मिलिटरी स्कूलच्या वतीने स्वच्छता अभियान राबवण्यात आले. यामध्ये पाचवी ते आठवीच्या वर्गातील 60 विद्यार्थी सहभागी झाले होते. विद्यार्थ्यांनी परिसरातील कचरा गोळा करून स्वच्छ्ता केली.
लोकसेवा प्रतिष्ठानचे अध्यक्ष दीपक पायगुडे यांच्या संकल्पनेतून संचालक प्रा. नरहरी पाटील, नेताजी सुभाषचंद्र बोस मिलिटरी स्कूलचे प्राचार्य अमर क्षीरसागर, लोकसेवा इंग्लिश मीडियम स्कूलचे प्राचार्य डेनसिंग, टेन टी इंटरनॅशनल स्कूलचे प्राचार्य पी. शोपीमॉन, प्रशासकीय विभागप्रमुख अर्जुन शिंदे यांच्या मार्गदर्शनाखाली हे अभियान राबविण्यात आले. शंकर साळुंखे, रुपेश त्रिंबके, गणेश कणसे, विनायक वरडे व विलास वानखेडे यांनी या अभियानाचे संयोजन केले.
