मुंबई | गेल्या काही दिवसांपासून विविध राजकीय नेत्यांकडून एकमेकांवर टीका केली जात आहे. ठाकरे गटाकडून सत्ताधाऱ्यांवर निशाणा साधला जात आहे. त्यानंतर आता भाजप आमदार प्रसाद लाड (Prasad Lad) यांनी वादग्रस्त केले आहे. ‘भास्कर जाधव हे उद्धव ठाकरे यांची ‘आयटम गर्ल’ आहे’, असे लाड म्हणाले.
ठाकरे गटातील आमदार जाधव हे भाजपवर सातत्याने टीका करताना दिसत आहेत. भाजप नेते आणि केंद्रीयमंत्री नारायण राणे यांच्यात शाब्दिक चकमक सुरु आहे. त्यानंतर आता लाड यांनी जाधव यांच्यावर टीका करताना वादग्रस्त वक्तव्य केले आहे. त्यामध्ये लाड म्हणाले, ‘मी भास्कर जाधव यांचं भाषण ऐकलं. ते खूप नाटक करतात. भास्कर जाधव यांचं नाव आयटम गर्ल ठेवूया. चित्रपट बॉक्स ऑफिसवर चालावा म्हणून एक आयटम साँग असतं. अगदी तशाच प्रकारे उद्धव ठाकरेंचे भास्कर जाधव हे आयटम गर्ल आहेत’, असेही त्यांनी सांगितले.
दरम्यान, प्रसाद लाड यांनी वादग्रस्त वक्तव्य केल्याने मोठा वादंग होण्याची शक्यता व्यक्त केली जात आहे. त्यामुळे आता उद्धव ठाकरे गटाकडून त्यावर कोणती प्रतिक्रिया दिली जाते, हे येत्या दिवसांत पाहिला मिळेल.
