पुणे | शिक्षण क्षेत्रातील अग्रगण्य संस्था असलेल्या बावधन येथील सूर्यदत्ता ग्रुप ऑफ इन्स्टिट्यूट तर्फे सूर्यदत्ता इन्स्टिट्यूट ऑफ थेटर, फिल्म अँड टेलिव्हिजन सुरु करण्यात आले आहे. त्याचे उद्घाटन अभिनेता सिद्धार्थ जाधव आणि अखिल भारतीय मराठी चित्रपट महामंडळाचे अध्यक्ष मेघराज राजेभोसले यांच्या हस्ते करण्यात आले.
काही दिवसातच प्रदर्शित होणारा अफलातून या मराठी चित्रपटातील कलाकारांनी यावेळी विद्यार्थ्यांशी संवाद देखील साधला. तसेच या चित्रपटातील गाण्यावर अभिनेता सिद्धार्थ जाधव आणि इतर कलाकारांनी विद्यार्थ्यांसमवेत ताल धरला. अभिनेता सिद्धार्थ जाधव यांनी इन्स्टिट्यूटचे कौतुक देखील केले. तसेच सूर्यदत्ता ग्रुप ऑफ इन्स्टिट्यूट तर्फे सर्व मान्यवरांना गौरवण्यात आले.
यावेळी सूर्यदत्ता ग्रुप ऑफ इन्स्टिट्यूटचे संस्थापक अध्यक्ष संजय चोरडिया, सूर्यदत्ता ग्रुप ऑफ इन्स्टिट्यूटच्या उपाध्यक्षा सुषमा चोरडिया, सहयोगी उपाध्यक्षा स्नेहल नवलाखा, अखिल भारतीय मराठी चित्रपट महामंडळाचे अध्यक्ष मेघराज राजेभोसले, दिग्दर्शक परितोष पेंटर, प्रसिद्ध अभिनेता सिद्धार्थ जाधव, अभिनेता जयेश ठक्कर, तर अभिनेत्री श्वेता गुलाटी, अभिनेत्री तेजस्विनी लोणारी, एफ.एम.सी.जीचे अध्यक्ष प्रसन्न पाटील आदी मान्यवर उपस्थित होते. सूर्यदत्त ग्रुप ऑफ इन्स्टिट्यूट तर्फे सर्व मान्यवरांना गौरवण्यात आले.
