नागपूर | एसटी संपाचे नेते अॅड. गुणरत्न सदावर्ते यांना संघाच्या यंदाच्या विजयादशमीच्या कार्यक्रमासाठी प्रमुख अतिथी म्हणून निमंत्रण देण्यात आलं आहे. या आधी अॅड. सदावर्ते यांनी महात्मा गांधींचा मारेकरी नथुराम गोडसेचे कौतुक करत गांधीजींवर टीका केली होती. त्यानंतर संघाच्या कार्यक्रमासाठी त्यांना देण्यात आलेल्या कार्यक्रमानंतर अनेकांच्या भूवया उंचावल्या आहेत.
ADVERTISEMENT
राष्ट्रीय स्वयंसेवक संघाचा यंदाचा विजयादशमी कार्यक्रम विशेष असणार आहे. यंदाच्या विजयादशमीच्या एका कार्यक्रमाला अॅड. गुणरत्न सदावर्ते यांना मुख्य अतिथी म्हणून बोलावण्यात आलं आहे. विजयादशमी निमित्ताने नागपुरात होणाऱ्या राष्ट्रीय स्वयंसेवक संघाच्या कार्यक्रमाकडे सर्वांचंच लक्ष असतं. या दिवशी विविध ठिकाणी कार्यक्रमांच आयोजन केलं जातं.
