नाशिक | नुकत्याच नाशिक पदवीधर मतदारसंघातून विजयी झालेले अपक्ष उमेदवार सत्यजीत तांबे यांना काँग्रेसने निलंबित केल्यानंतर ते लवकरच भाजपमध्ये पक्षप्रवेश करतील, अशी चर्चा राजकीय वर्तुळात सुरू होती. यावर सत्यजीत तांबे यांनी आपली भूमिका स्पष्ट केली आहे.
ADVERTISEMENT
आपण अपक्ष उमेदवार म्हणून निवडून आलो आहे, त्यामुळे अपक्षच राहणार. तसेच मी अजून काँग्रेस पक्ष सोडला नाही असे सत्यजीत तांबे म्हटले आहे. तांबे यांनी केलेल्या एका ट्वीटमुळे पक्षप्रवेशांच्या चर्चांना उधाण आलं आहे. त्यांचे हे ट्वीट सोशल मीडियावर देखील व्हायरल झालं आहे.
“उडत्या पाखरांना परतीची तमा नसावी… नजरेत सदा नवी दिशा असावी… घरट्याचं काय बांधता येईल केव्हाही… क्षितिजा पलीकडे झेप घेण्याची जिद्द असावी…” सत्यजीत तांबे यांच्या या ट्वीटनंतर राजकीय वर्तुळात चर्चांना उधाण आलं आहे.
