अमरावती | अपक्ष आमदार बच्चू कडू यांनी गुवाहाटी वारी केली तरी शिंदे-फडणवीस सरकारमध्ये मंत्रीपद न मिळाल्यामुळे ते नाराज आहेत. मात्र आता त्यांच्यावर देवेंद्र फडणवीस यांचे समर्थक असलेले आमदार रवी राणा यांनी निशाना साधला आहे.. ना बाप बडा ना भैय्या, सबसे बडा रुपय्या… ही कडू यांची वृत्ती असल्याचा टोला राणा यांनी लगावला आहे.
रवी राणा आणि त्यांची पत्नी खासदार नवनीत राणा हे एका कार्यक्रमासाठी बच्चू कडू यांच्या अमरावतीतील मतदारसंघात आले होते. यावेळी रवी राणा म्हणाले की, ‘बच्चू कडू हे केवळ पैशांच्या पाठी धावणारे आमदार आहेत. मी काही गुवाहाटीला जाणारा आमदार नाही. ना बाप बडा ना भैय्या, सबसे बड़ा . रुपय्या… हे या मतदारसंघाच्या आमदारचं स्लोगन ना बाप बडा ना भैय्य सबसे बडा रुपय्या… रुपये आणायला गुवाहटी जायला लागते ना, २० वर्षांपासून फाटकी झो दाखवून या मतदारसंघातील आमदारांनी बॅगा भरल्या. भावनेचे राजकारण करत, खोटं बोला रेटून बोला, या प्रकारे त्यांनी जनतेची दिशाभूल केली. या ठिकाणी कुठलाही मोठा प्रकल्प आला नाही. अचलपूर जिल्ह्याची मागणी आम्ही पूर्ण करू असे म्हणत आगामी निवडणुकीत बच्चू कडू यांना आव्हान देण्याचा मनसुबा बोलून दाखवला आहे. नवनीत राणा यांनी देखील यावेळी बच्चू कडू यांच्यावर सडकून टिका केली आहे.
शिंदे गटाच्या मदतीने भाजपाने सत्ता स्थापन केली आहे. तरीही बच्चू कडू यांच्या स्वत:च्या मतदारसंघातच त्यांच्यावरच टीका करण्यात आल्याने आश्चर्य व्यक्त करण्यात आले. आता बच्चू कडू या सगळ्याला टिकेला कशाप्रकारे प्रत्युत्तर देणार, याकडे सर्वांच्या नजरा लागल्या आहेत.
