खासदार संजय राऊत यांनीही व्हिडीओ केला पोस्ट
मुंबई | धाराशिवच्या एका वृद्ध शेतकऱ्याचा व्हिडीओ सोशल मीडियावर तुफान व्हायरल होत आहे. या व्हिडीओमध्ये ८० वर्षीय अर्जुन घोगरे या शेतकऱ्याने बच्चू कडूंचा चांगलाच समाचार घेतला. यावेळी या शेतकऱ्याने काही मिनिटे बच्चू कडू यांची गाडी रोखून धरली. पोलिसांनी हस्तक्षेप केल्यानंतर बच्चू कडूंच्या गाडीचा मार्ग मोकळा झाला.
बच्चू कडूंना ज्या आशेने निवडून दिलं, तसा तो वागत नाही. तो डाकूबरोबर गेला, देवेंद्र आणि शिंदेबरोबर गेला. हे जे काय चाललंय ते योग्य नाही, घटनाबाह्य आहे, असं तो वृद्ध शेतकरी या व्हिडीओमध्ये म्हणत आहे.
दरम्यान, खासदार संजय राऊत यांनीही हा व्हिडीओ आपल्या सोशल मीडिया अकाऊंटवर शेअर केला आहे. यासोबत त्यांनी एक शेरही ट्वीट केला आहे.
“तुमने बेवफाई की वफ़ा का नाम लेकर। हम वफादार बने रहे बेवफा का इल्ज़ाम सेह कर। तुम आंखे नहीं मिला सकते हमारा सबकुछ छीनकर। हम सर उठाकर चल सकते है सब कुछ छोड़ कर।” असं या शेतकऱ्याचा व्हिडीओ ट्वीट करताना संजय राऊत म्हटले आहे.
