मुंबई | कल्याण पश्चिमेतील खडकपाडा परिसरात एका खासगी कामानिमित्त केंद्रीय मंत्री रामदास आठवले हे आज आले होते. यावेळी आठवले यांनी शिवतीर्थावरील दसरा मेळाव्याच्या वादावर प्रतिक्रिया दिली. खरी शिवसेना एकनाथ शिंदे यांचीच आहे. दसरा मेळाव्याला त्यांनाच परवानगी मिळाली पाहिजे. तर उद्धव ठाकरे यांनी बीकेसी किंवा इतर ठिकाणी कुठेही दसरा मेळावा घ्यायला हरकत नाही, असं रामदास आठवले म्हणाले.
मुख्यमंत्री एकनाथ शिंदेंसोबत दोन तृतीयांश बहुमत आहे. त्यामुळे मुंबई महानगरपालिकेने त्यांना शिवाजीपार्कवर दसरा मेळावा घेण्यास परवानगी द्यावी, असं केंद्रीय मंत्री रामदास आठवले म्हणाले. खरी शिवसेना एकनाथ शिंदे यांचीच आहे. त्याच बरोबर २/३ मेजॉरिटीची त्यांच्या बरोबर आहे. कार्यकर्त्यांचा मोठा पाठींबा आहे. त्यामुळे दसरा मेळाव्याची परवानगी खऱ्या शिवसेनेला मिळाली पाहीजे. उद्धव ठाकरे यांनी बीकेसी किंवा इतर ठिकाणी कुठेही दसरा मेळावा घ्यायला हरकत नाही. शिवाजीपार्कमध्ये एकनाथ शिंदे यांनाच महानगरपालिकेने परवानगी द्यावी, असं केंद्रीय मंत्री रामदास आठवले म्हणाले.
