औरंगाबाद | राज्यपाल भगतसिंग कोश्यारी यांनी ‘शिवाजी महाराज तर जुने युगाचे हिरो आणि डॉ. आंबेडकरांपासून तर डॉ. गडकरीपर्यंत हे नवीन युगाचे हिरो असल्याचे म्हटले आहे. औरंगाबादच्या डॉ.बाबासाहेब आंबेडकर मराठवाडा विद्यापीठाचा 62 वा दीक्षान्त समारंभात बोलतांना कोश्यारी यांनी हे विधान केले आहे.
हे मागच्या काही काळापासून महापुरुषांबद्दल बोलतांना वादग्रस्त विधानं करत आहेत. त्यांच्या छत्रपती शिवाजी महाराज यांच्याबाबतच्या केलेल्या एका विधानामुळे नव्या वाद निर्माण झाला आहे. औरंगाबाद येथे ज्येष्ठ नेते शरद पवार आणि नितीन गडकरी यांना मराठवाडा विद्यापीठाकडून डि.लिट पदवी देण्यात आली.
यावेळी बोलतांना भगतसिंग कोश्यारी यांनी शरद पवार आणि नितीन गडकरी यांची तुलना थेट छत्रपती शिवाजी महाराज यांच्याशी केली. भगतसिंग कोश्यारी यांच्या या विधानाचा राज्यभरातून निषेध होत आहे. आजच्या नेत्यांची तुलना छत्रपती शिवाजी महाराजांशी करणं चुकीचं असल्याचं बोललं जात आहे.
दरम्यान याआधी देखील छत्रपती शिवाजी महाराजांबद्दल राज्यपाल कोश्यारी यांनी वादग्रस्त विधान केले होते. “महाराजा, चक्रवर्ती सगळे झाले. चाणक्याशिवाय चंद्रगुप्ताला कोण विचारेल, समर्थांशिवाय शिवाजीला कोण विचारेल? मी शिवाजी किंवा चंद्रगुप्त यांना लहान दाखवत नाही. प्रत्येकाच्या मागे आईचं मोठं योगदान असतं, तसंच आपल्या समाजात गुरूचं मोठं स्थान असतं. शिवाजी महाराजांनी समर्थांना म्हटलं की तुमच्या कृपेने मला राज्य मिळालं आहे.” या विधानावरुनही राज्यात गदारोळ झाला होता.
