नागपूर | ”विरोधकांना हे चोख उत्तर आहे. त्यांची जागा दाखवणारा आणि युतीच्या कामाची पावती दाखवणारा हा विजय आहे. मागच्या निवडणुकांमध्ये विजय मिळाला. त्याच्या दुप्पट विजय आता मिळाला”, अशी प्रतिक्रिया मुख्यमंत्री एकनाथ शिंदे (Eknath Shinde) यांनी दिली.
राज्यातील ग्रामपंचायतींच्या निवडणुकांचे निकाल समोर आले आहेत. त्यामध्ये भाजपसह शिंदे गटाचा मोठा विजय झालेला दिसत आहे. त्यानंतर मुख्यमंत्री शिंदे यांनी प्रतिक्रिया दिली. ते म्हणाले, ”आज ग्रामपंचायतींच्या निवडणुकांमध्ये भाजप आणि बाळासाहेबांच्या शिवसेनेला जे यश मिळालं त्याचं मी अभिनंदन करतो. महाराष्ट्राचे उपमुख्यमंत्री देवेंद्र फडणवीस, भाजपचे प्रदेशाध्यक्ष चंद्रशेखर बावनकुळे, आमचे सर्व आमदार, खासदार, मंत्री, कार्यकर्ते यांनी खूप मेहनत घेतली. त्या सर्वांचं अभिनंदन करतो. मागील निवडणुकामध्ये विजय मिळाला. त्याच्या दुप्पट विजय आता मिळाला”.
दरम्यान, ग्रामपंचायत निवडणुकीत भाजपने जोरदार मुसंडी मारली आहे. यानंतर महाराष्ट्राचे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी निवडणूक निकालावर भाष्य केले आहे.
