नागपूर | महाराष्ट्र नवनिर्माण सेनेचे अध्यक्ष राज ठाकरे (Raj Thackeray) यांनी मुख्यमंत्री एकनाथ शिंदे (Eknath Shinde) यांची नागपुरात भेट घेतली. या दोन्ही नेत्यांमध्ये बंद दाराआड काही वेळ चर्चाही केली. त्यांच्या या भेटीनंतर विविध चर्चांना उधाण आलं आहे.
राज ठाकरे हे सध्या नागपूर दौऱ्यावर आहेत. नागपुरात त्यांनी मनसेची कार्यकारिणी स्थापन केली. पदाधिकाऱ्यांना नियुक्तीपत्रे दिल्यानंतर राज ठाकरे यांनी मुख्यमंत्री एकनाथ शिंदे यांची भेट घेतली. या दोन्ही नेत्यांची मुख्यमंत्री दालनात भेट झाली. यावेळी मुख्यमंत्र्यांनी पुष्पगुच्छ देऊन राज ठाकरेंचं स्वागत केलं. या दोन्ही नेत्यांमध्ये नेमकी काय चर्चा झाली? याबाबतची अधिकृत माहिती मिळू शकली नाही.
दरम्यान, गेल्या काही दिवसांत राज ठाकरे आणि एकनाथ शिंदे या नेत्यांमध्ये अनेकदा भेटी झाल्या आहेत. आता पुन्हा नागपुरात ही भेट झाल्याने राजकीय वर्तुळात चर्चांना उधाण आलं आहे.
