मुंबई | राष्ट्रवादी काँग्रेस पक्ष हा अजित पवारांचाच आहे, असा निर्णय काल निवडणूक आयोगानं दिला आहे. पक्ष आणि घड्याळ चिन्ह निवडणूक आयोगानं अजित पवार गटाला दिलं. त्यामुळे शरद पवार गटाला स्वतंत्र गट म्हणून मान्यता देण्यात आली. लोकसभा निवडणुकांच्या पूर्वीच निवडणूक आयोगाने हा निर्णय दिला त्यामुळे शरद पवार गटाला हा अतिशय मोठा धक्का असल्याचं बोललं जात आहे.
शरद पवार गटाला निवडणूक आयोगाकडे आता पक्षाचं नाव आणि चिन्ह द्यावं लागणार आहे. नव्या पक्षासाठी शरद पवार काँग्रेस, मी राष्ट्रवादी आणि राष्ट्रवादी स्वाभिमानी पक्ष या नावांचा विचार आणि चर्चा सुरु आहे. तर चिन्हांसाठी कपबशी, सूर्यफूल, चष्मा, उगवता सूर्य या चिन्हांचा विचार सुरु आहे. परंतु अजुनही पक्षाचे नाव आणि चिन्ह यात शरद पवार गटातून संभ्रम आहे.
दरम्यान, शरद पवार गटाकडून निवडणूक आयोगाकडे तीन नावांची मागणी केली असल्याची माहिती समोर आली आहे. त्याचसोबत पक्षाचं चिन्ह म्हणून वटवृक्ष हे मिळावं यासाठीही शरद पवार गट आग्रही असल्याची माहिती आहे.
निवडणूक आयोगाकडे ‘या’ तीन नावांची मागणी
– नॅशनॅलिस्ट काँग्रेस पार्टी शरद पवार
– नॅशनॅलिस्ट काँग्रेस पार्टी शरदचंद्र पवार
– नॅशनॅलिस्ट काँग्रेस पार्टी शरदराव पवार