चिंचवड | गेल्या काही दिवसांपासून चिंचवड विधानसभा पोटनिवडणुकीची रणधुमाळी पाहायला मिळाली. अत्यंत चुरशीची लढत या मतदार संघांमध्ये झाली. आज अखेर या पोटनिवडणुकीचा निकाल लागला आहे. चिंचवड विधानसभा मतदार संघामध्ये दिवंगत आमदार लक्ष्मण जगताप यांच्या पत्नी अश्विनी जगताप विजयी झाल्या आहेत.
दिवंगत आमदार लक्ष्मण जगताप यांच्या निधनानंतर त्यांच्या घरातच म्हणजे त्यांच्या पत्नी अश्विनी जगताप यांना उमेदवारी मिळाली होती. त्यांच्याविरुद्ध मविआचे नाना काटे आणि बंडखोर आमदार राहुल कलाटे मैदानात उतरले होते. अतिशय चुरशीची लढत या पोटनिवडणूकीत पाहायला मिळाली.
या निवडणुकीच्या माध्यमातून दिग्गजांची प्रतिष्ठा पणाला लागली होती. भाजपचे उमेदवार हेमंत रासने यांच्या प्रचारासाठी केंद्रीय मंत्र्यांपासून ते राज्याचे मुख्यमंत्री, उपमुख्यमंत्री प्रचारात उतरले होते. भाजपकडून मोठी ताकद प्रचारासाठी लावण्यात आली होती.
तर, दुसरीकडे महाविकास आघाडीच्या अनेक दिग्गज नेत्यांनी प्रचारात सहभाग घेतला होता. त्यामुळे या निकालाकडे संपूर्ण राज्याचे लक्ष लागून होत. तर दोन्ही पक्षाकडून धुमधडाक्यात प्रचार देखील करण्यात आला होता.
दरम्यान, आगामी काळात होणाऱ्या निवडणुकांच्या पार्श्वभूमीवर या पोटनिवडणुका महत्वाच्या होत्या.
