मुंबई | गेल्या काही काळापासून द कपिल शर्मा शोने प्रेक्षकांच्या मनात एक वेगळं स्थान निर्माण केलं आहे. पण गेल्या काही दिवसांपासून या शोमधील कलाकार हा शो सोडून जात आहे. गेल्या वर्षी सप्टेंबरमध्ये या शोचा नवा सीझन सुरु झाला. परंतु अनेक कलाकार या शो मधून बाहेर पडत आहेत.
कलाकार कृष्णा अभिषेक या शोमधून बाहेर पडला त्याने या सीझनचा प्रोमो शूट केला होता. पण शो सुरू झाल्यानंतर मानधनाच्या मुद्द्यावरून त्याने शो सोडल्याची माहिती समोर आली आहे. त्यानंतर कपिल शर्माचा जिवलग मित्र चंदन प्रभाकरनेही अर्ध्यातच हा शो सोडला. नवा चित्रपट साइन केल्यामुळे शोमध्ये काम करता येणार नसल्याचं कारण त्याने दिलं होतं.
त्याचबरोबर नव्या सीजन मध्ये धुमाकूळ घालणारा आणखी एक कलाकार म्हणजे सिद्धार्थ सागर याने देखील कपिल शर्मा शो सोडल्याचं बोललं जात आहे. याने देखील मानधनाच्या मुद्द्यावरून निर्मात्यांशी चर्चा केली व मानधन वाढवून द्यावे अशी मागणी केली असता त्याला सकारात्मक उत्तर मिळाले नाही. लोकांच्या मनावर राज्य करणारा द कपिल शर्मा शो आता बंद होण्याच्या मार्गावर असल्याची शक्यता आहे.
