मेरीलँड | भाग्य कधी उजळेल याचा काही नेम नाही. याचाच प्रत्यय अमेरिकेतील एका घटनेनंतर आला आहे. एका व्यक्तीला लॉटरीची तिकीटे घेण्याची आवड होती. त्याने लॉटरीची दोन तिकीटे घेतली होती. पण त्याने ही तिकीटे घेतली हे त्याच्याच लक्षात नव्हते. म्हणून त्याने आणखी एक अशी एकूण तीन तिकीटे घेतली आणि त्याच तिकीटाने त्याचं नशीब उजळले आणि तो करोडपती झाला.
अमेरिकेतील टाऊसन, मेरीलँड येथे राहणाऱ्या एका व्यक्तीबाबत ही घटना घडली. त्याला लॉटरी खेळण्याची सवय होती. त्यासाठी तो अनेकदा तिकीटे खरेदी करायचा. त्याने 1.20 कोटी अशी बक्षीस रक्कम असलेली 2 तिकीटे खरेदी केली होती. मात्र, जेव्हा त्याला या तिकीटांबाबत लक्षात आले नाही तेव्हा पुन्हा तिसरे तिकीट खरेदी केले. याची माहिती त्याने त्याच्या पत्नीलाही दिली नव्हती. त्याच्या तीनही तिकीटासाठी 5-1-3-5-9 आकड्यांचा वापर केला. मात्र, या तिकीटांमुळे त्या व्यक्कीचे नशीब पालटले.
या तिकीटातून त्याने तब्बल 1 कोटी 22 लाखांपेक्षा अधिकची रक्कम जिंकली. यापूर्वीही त्याने अनेकदा लॉटरी जिंकली. पण या लॉटरीमुळे त्याचे नशीबच बदलल्याचे त्याने सांगितले.