मुंबई | दिवाळीचा सण काहीच दिवसांवर येऊन ठेपला आहे. अशातच सर्वसामान्यांच्या खिशाला कात्री लागणार आहे. अमूल दुधाच्या प्रती लिटर मागे दोन रुपयांची वाढ झाली आहे.
दिवसेंदिवस वाढत्या किमती सामान्य माणसाला न परवडण्यासारख्या आहेत. सध्या अमूलच्या एका लिटरसाठी ६१ रुपये द्यावे लागत होते. मात्र आता प्रति लिटर मागे ६३ रुपये मोजावे लागणार आहेत.
मागील काही दिवसांपूर्वी डाळी, खाद्यतेल यांच्या भावात वाढ झाली होती. त्यामुळे ऐन दिवाळी सणाच्या तोंडावर महत्वाच्या वस्तूंवर भाववाढ होत असल्यामुळे सामान्य माणसांना महागाईचा अधिक त्रास सहन करावा लागणार आहे.