मुंबई | बॉलीवूड क्वीन म्हणून चर्चेत असणाऱ्या कंगनाने थेट एलॉन मस्ककडे मागणी केली आहे. त्यामुळे बॉलीवूड इंडस्ट्रीमध्ये ती पुन्हा एकदा चर्चेत आली आहे.
कंगनाचा एकही दिवस असा जात नाही कि, ती नेटकऱ्यांच्या चर्चेत येत नाही. आताही कंगनाने तिच्या इंस्टाग्रामवर एलॉन मस्कविषयीची एक बातमी पोस्ट केली आहे. ती शेयर करताच कंगनाच्या चाहत्यांनी त्यावर तिला वेगवेगळ्या कमेंट्स देखील दिल्या आहेत.
कंगना सहसा कुणाविषयी फारशी चांगलं बोलताना दिसत नाही. तिनं कुणाचं मोठ्या मनानं कौतूक केलं आहे असेही कधीही दिसलेलं नाही. अशावेळी कंगनानं नुकतीच व्टिटरची सुत्रं हाती घेतलेल्या एलॉन मस्कचं कौतूक केलं तेव्हाच नेटकरी समजून गेले आहे की, कंगनाला नेमकं काय म्हणायचे आहे.
एलॉन मस्क आता ट्विटरचा मालक झाला आहे. दुसरीकडे गेल्या दोन वर्षांपासून कंगना ट्विटवर बॅन आहे. तिनं यापूर्वी केलेल्या वादग्रस्त वक्तव्याचा तिला मोठा फटका बसल्याचे दिसून आले आहे. त्यामुळेच की काय तिचं ट्विटर अकाउंट सस्पेंड करण्यात आले होते. आता एलॉन मस्क आल्यानं आपल्याला तो पुन्हा ट्विटरवर सहभागी करुन घेईल. असे कंगनाला वाटतंय म्हणून की काय तिनं एक स्टोरी शेयर केली आहे.
कंगनाच्या त्या स्टोरीमध्ये तिनं एलन मस्कविषयीची एक बातमी पोस्ट केली आहे. त्यात त्याचं कौतूकही केलं आहे. ट्विटरचे सीईओ पराग अग्रवाल यांना त्या पदावरुन हटविण्यात आले अशा आशयाची ती बातमी आहे. त्याचा फोटो कंगनानं शेयर केला आहे. त्यानंतर तिच्या चाहत्यांनी कंगनाला ट्विटरवर सहभागी करुन घ्यावे. असा आग्रह केला आहे. एका नेटकऱ्यानं तर कंगनानं एलॉन यांचे कौतूक करुन त्याला मस्का पॉलिश करुन ट्विटर अकाउंट सुरु करण्यासाठी मोहिम सुरु केल्याचे म्हटले आहे.