मुंबई | राज्याचे उच्च व तंत्र शिक्षणमंत्री चंद्रकांत पाटील (Chandrakant Patil) यांनी पुण्यातील एका कार्यक्रमात वादग्रस्त वक्तव्य केले होते. त्या वक्तव्यावरून राष्ट्रवादी काँग्रेसचे आमदार अमोल मिटकरी (Amol Mitkari) यांनी संताप व्यक्त केला. चंद्रकांत पाटलांनी कोल्हापुरकरांची व महाराष्ट्राची तात्काळ जाहीर माफी मागावी, अशी मागणी केली आहे.
चंद्रकांत पाटील यांनी जाहीर कार्यक्रमात वक्तव्य केल्याने संताप व्यक्त केला जात आहे. त्यानंतर आता मिटकरी यांनी त्यांच्या याच वक्तव्यावरून त्यांना धारेवर धरले आहे. त्यांनी ‘आईवरून शिव्या देणे ही आमच्या कोल्हापुरची पद्धत आहे, असे नीच वक्तव्य करुन कोल्हापूरच्या मातीची बदनामी करणाऱ्या चंद्रकांत पाटलांनी कोल्हापुरकरांची व महाराष्ट्राची तात्काळ जाहीर माफी मागावी. मात्र, ही गोष्ट सांगताना त्यांनी कोल्हापूरचा उल्लेख केल्याने हे चांगलेच संतापले आहे. याबाबत त्यांनी ट्विट केले आहे.
काय म्हणाले होते चंद्रकांत पाटील?
आई-वडिलांना शिव्या द्या चालेल. ते म्हणतील जाऊ दे. आईवरुन शिव्या देणं आमची कोल्हापूरची पद्धत आहे. पण दादा (चंद्रकांत पाटील) मोदी आणि शाहांना शिव्या देणं सहन करु शकत नाही. नशीब पाडला. बाकी काही करायचा त्याचा स्वभाव नाही, असे ते म्हणाले होते. त्यांच्या याच वक्तव्यावरून त्यांच्यावर टीका केली जात आहे.