मुंबई | ”मला ‘अंडा सेल’मध्ये ठेवलं होतं. तिथं मला 15 दिवस उन्हही दिसलं नाही. मी बराच वेळ जेलमधील फ्लडलाईट्सच्या संपर्कात होतो, त्यामुळे माझी दृष्टीही कमकुवत झाली”, हा तुरुंगातील अनुभव शिवसेना खासदार संजय राऊत (Sanjay Raut) यांनी सांगितला आहे.
पत्राचाळ गैरव्यवहार प्रकरणात संजय राऊत यांचे नाव असल्याने त्यांना अटक करण्यात आली होती. त्यांनी 100 पेक्षा जास्त दिवस तुरुंगात शिक्षा भोगली आहे. त्यांना न्यायालयाकडून जामीन मिळाला असून, ते बाहेर आहेत. त्यांनी आता तुरुंगातील अनुभव सांगितला आहे. ते म्हणाले, ”कारागृहातील ‘अंडा सेल’मध्ये ठेवण्यात आले होते. तेथे असताना उन्हही दिसल नव्हते. तुरुंगात असताना 10 किलो वजन कमी झाले”.
अनिल देशमुख दिसले
तुरुंगात असताना मी महाराष्ट्राचे माजी गृहमंत्री अनिल देशमुख यांना पाहिले. त्यांची प्रकृती ठीक नाही. पण सरकार फक्त विरोधी पक्षात असलेल्यांनाच तुरुंगात टाकणार का? असा सवालही त्यांनी उपस्थित केला.
मला वाचताना, लिहिताना त्रास होतोय
संजय राऊत पुढे म्हणाले, ”मला वाचण्यासाठी, लिहिण्यासाठी त्रास होत आहे. मला ऐकायला आणि बोलतानाही त्रास होत आहे. मला हे सहन करावे लागले पण ठीक आहे.”