पुणे | लायन्स इंटरनॅशनल डिस्ट्रिक्ट 3234 डी2 च्या अंतर्गत वूमन एम्पॉवरमेंटच्या वतीने महीला दिनाचे औचित्य साधत विविध क्षेत्रात उत्कृष्ट कामगिरी करणाऱ्या महिलांचा पुरस्कार सोहळा आयोजित करण्यात आला होता.
यावेळी शाळेच्या प्राचार्या दिपाली छाचड, उद्योजिका प्रियांका परमार, रिटायर्ड प्राचार्या अश्विनी जोशी, खेळाडू डॉ. सुवर्णा देवळणकर आणि कलाकार भाग्यश्री चौंधे अशा विविध क्षेत्रातील महिलांचा सन्मान करण्यात आला.
या कार्यक्रमाची सुरुवात लायन सखी मंचच्या अध्यक्षा लायन भारती भंडारी, वूमन एम्पॉवरमेंटच्या डिस्ट्रिक्ट चेअरपर्सन लायन राणी अह्लूवालिया, प्रांतपाल लायन विजय भंडारी, माजी प्रांतपाल लायन अभय शास्त्री आणि कॅबिनेट सचिव लायन अशोक मिस्त्री यांच्या हस्ते दीपप्रज्वलन करून करण्यात आली. या कार्यक्रमाची सुरुवात आणि सांगता महिलांच्या नृत्य सादरीकरणाने करण्यात आली. यावेळी अनेक मान्यवर, पदाधिकाऱ्यांसह महिलांचा मोठ्या प्रमाणात सहभाग होता.
दरम्यान, लायन सखी मंचच्या अध्यक्षा लायन भारती भंडारी यांनी महिलांचे स्थान आणि त्यांचे महत्व याविषयी आपले मत व्यक्त केले. त्याचबरोबर वूमन एम्पॉवरमेंटच्या डिस्ट्रिक्ट चेअरपर्सन लायन राणी अह्लूवालिया यांच्या मार्गदर्शनाखाली महिलांसाठी विविध कार्यक्रमांचं आयोजन करण्यात येतं. त्यातीलच हा एक कार्यक्रम यशस्वीपणे पार पडल्याबद्दल लायन भारती भंडारी यांनी त्यांचे आभार मानले.
