मुंबई | पंतप्रधान नरेंद्र मोदी एक दिवसाच्या मुंबई दौऱ्यावर येणार आहेत. या दौऱ्यामध्ये ते छत्रपती शिवाजी महाराज टर्मिनस येथून दोन वंदे भारत एक्सप्रेस गाड्यांना हिरवा झेंडा दाखवणार आहेत. पीएम मोदी मुंबईत दाखल होणार म्हणून पोलिसांनी काही वाहतूक मार्गात बदल केला आहे.
मोदींचा हा महिन्यातील दुसरा दौरा आहे. त्यांच्या स्वागतासाठी मुंबईकर सज्ज झाले आहे. त्यामुळे वाहतूक कोंडीती शक्यता नाकारता येणार नाही. याच पार्श्वभूमिवर आज दुपारी २.४५. ते ४.15 या वेळेपर्यंत वाहतूक मार्गात बदल करण्यात आले आहेत.
तात्पुरत्या स्वरूपातील वाहतुक मार्गावरील नवे बदल पुढीलप्रमाणे –
ईस्टर्न फ्री वे मार्गावरची वाहतूक बंद करून, ती डी एन रोड आणि जे जे ब्रिजवर वळवली आहे. त्यामुळे वाशीहून छत्रपती शिवाजी महाराज टर्मिनसला जाण्यासाठी वाहनांनी ईस्टर्न फ्री वे मार्गाचा वापर न करता पूर्व द्रुतगती मार्गाचा वापर करावा. कुलाब्यातल्या बधवर पार्क, कफ परेड आणि नेव्ही नगरची वाहतूक मंत्रालयाकडून वळवण्यात आली आहे.
वेस्टर्न एक्सप्रेस वे वर अंधेरी, घाटकोपर-कुर्ला रोड या दोन्ही वाहिन्यांवरील मरोळ नाक्याच्या दिशेने येणारी वाहने ही साकीनाका जंक्शन येथून साकी विहार रोडने मिलिंद नगर एल. अॅन्ड टी.गेट नं.8 येथून डावे वळण घेउन जे.व्हि.एल.आर. रोडने पश्चिम द्रुतगती महामार्गाकडे मार्गस्थ होतील.
