आंतरराष्ट्रीय द्वितीय उपाध्यक्ष लायन ए पी सिंग यांची प्रमुख उपस्थिती
पुणे | लायन्स क्लब इंटरनॅशनल डिस्ट्रिक्ट ३२३४ डी२ चे नवनियुक्त प्रांतपाल लायन विजय भंडारी यांचा पदग्रहण सोहळा मोठ्या उत्साहात पार पडला. लायन्स इंटरनॅशनलचे द्वितीय उपाध्यक्ष लायन ए पी सिंग यांच्या प्रमुख उपस्थितीत माजी आंतरराष्ट्रीय संचालक लायन प्रेमचंद बाफना यांनी लायन विजय भंडारी व त्यांच्या सहकाऱ्यांना पदग्रहणाची शपथ दिली.
पुण्यातील हॉटेल कॉनरॅडमध्ये हा शपथविधी समारंभ राजेशाही थाटात पार पडला. श्रीगणेश वंदना आणि आरतीने कार्यक्रमास सुरुवात झाली. याप्रसंगी आंतरराष्ट्रीय संचालक लायन आर मदन गोपाल, माजी आंतरराष्ट्रीय संचालक लायन नवल मालू, डिस्ट्रिक्ट 3234 डी1 चे प्रांतपाल लायन भोजराज नाईक निंबाळकर, शपथविधी समारंभाचे समन्वयक लायन फतेचंद रांका व लायन श्रीकांत सोनी, मल्टिपल काउंसिल चेअरपर्सन श्रवणकुमार, डिस्ट्रिक्ट सीईओ लायन शाम खंडेलवाल, सचिव लायन अशोक मिस्त्री, कोषाध्यक्ष राजेंद्र गोयल आदी मान्यवर उपस्थित होते. पदग्रहण समारंभाचे सूत्रसंचालन लायन द्वारका जालान यांनी केले. लायन प्रेमचंद बाफना यांनी प्रांतपाल, मुख्य कार्यकारी अधिकारी, सचिव, कोषाध्यक्ष आणि कॅबिनेट यांना पदग्रहणाची शपथ दिली व त्यांच्या जबाबदारीचे महत्व सांगितले.
सर्वाधिक समाजकार्याची संधी क्लब स्तरावर- लायन ए पी सिंग (आंतरराष्ट्रीय द्वितीय उपाध्यक्ष, लायन्स क्लब इंटरनॅशनल)
लायन्सचे जगभरात ४५ हजारांहून अधिक क्लब आहेत. आणि सर्वाधिक समाजकार्य करण्याची संधी क्लबच्या स्तरावरच मिळते. समाजाच्या कल्याणार्थ काम करण्याची ईश्वराने दिलेली ही सुवर्णसंधी आहे. त्यामुळे याठिकाणी कोणतेही हेवेदावे न करता केवळ समाजकार्य करा. शिक्षण, आरोग्य, पर्यावरण या क्षेत्रातील लायन्सचे काम अतिशय चांगले आहे. देशातील जे नामांकित डिस्ट्रिक्ट आहेत. ज्याचे काम सर्वोत्तम आहे. अशा डिस्ट्रिक्टमध्ये डिस्ट्रिक्ट ३२३४ डी२ चा समावेश होतो. लायन विजय भंडारी यांची प्रांतपाल म्हणून झालेली नियुक्ती या डिस्ट्रिक्टचा नावलौकिक आणखी वाढवेल असा मला विश्वास आहे.
लायन्सचं नाव उंचावणार – लायन विजय भंडारी (प्रांतपाल, डिस्ट्रिक्ट ३२३४ डी२)
लायन्स क्लब इंटरनॅशनल ही जगातील सर्वात मोठी सामाजिक संघटना आहे. पुणे डिस्ट्रिक्ट ३२३४ डी२ चा प्रांतपाल म्हणून जबाबदारी स्वीकारताना सामाजिक कार्य होण्याबरोबरच समाजात आनंद व शांतता निर्माण करण्याचं काम करण्यास प्राधान्य राहणार आहे. यातून लायन्सचे नाव उंचावण्याचा मनस्वी प्रयत्त करणार आहे. १०० डेंटल क्लिनिक्स, सायकल बँक, लायन्स न्युज, लॉयल्टी कार्ड, शाळांसाठी 500 इंटरअॅक्टिव बोर्ड व वॉटर टँक्स, डायबिटीस कॅम्प, रक्तदान शिबिर, सखी मंच आदी उपक्रमांच्या माध्यमातून समाजाच्या मदतीला उभा राहायचं आहे. यावेळी आंतराष्ट्रीय संचालक आर मथनगोपाल व लायन नवल मालू यांनी मार्गदर्शन केले. लायन दीपक शाह यांना लायन्सचा अँम्बेसिडर ऑफ गुडविल हा मानाचा किताब देऊन सन्मानित करण्यात आले. स्वागतपर प्रास्ताविक लायन फतेचंद रांका यांनी केले. तर, आभार लायन श्रीकांत सोनी यांनी मानले.